June na mga blogger friends! I-welcome ko ng isang HHK para masaya :)
Birthday ng aking Patootie last May 31. Tuwang tuwa ako sa kanya kasi bukod sa madaming dahilan, may taglay din na kaweirduhan si Pats. Nalaman kong ayaw nya na binabati sya ng advance happy birthday, dahil feeling daw nya ay akala ng mga tao na May 30 ang birthday nya.
Pag sinabi nyang May 31 ang birthday nya, sasagot daw ng tao "may 31 pala ang May?" sagot naman nya ay "kaya nga may/May 31 e!" O di ba ang cute! Iba pa nyang ka-weirduhan ay gusto nyang kwinekwento sa kanya ang kwento ng movie bago nya panoorin, uutot sya habang kaming dalawa lang at ibibintang sa akin at syempre ang pagpatol nya sa mas weird na gaya ko.
Malungkot akong di kami magkasama sa birthday nya kasi nasa Iloilo pa rin sya, pero babawi na lang kami ng celebration paguwi nya. Nag offer naman ako magpa dala ng pang pa-cater, e hindi daw kasya ang P500, e di wag! Ito na lang gift ko sa kanya, isang 4 pic one word = tangkay ng monopod :)
Kung kahapon ang birthday nya, ngayon naman (June 1) ang anniversary ng una naming pagkikita. Nagkakilala kami on line, nag ka text, at noong June 1, 2013 ng madaling araw ay tinext nya ako at inaya magkita. Oo naman ako! Sa McDo naman kami nagkita kaya wholesome. So dun kami una nag kakilala, nag kwentuhan, nagpa cute. Hinatid pa nya ako sa bahay sakay ni Red the white motorcycle after, at sa tuwa ko na first time may nag hatid sa akin ay gumulong gulong ako sa kama, nakalugay ang buhok at naka white silk babydoll dress. Sagwa! At dun nag simula ang lahat, sa kasagwaang yon.
Ayaw kong maniwala sa karma kasi para sa akin parang pang motivate lang o panakot to sa tao. Na gagawa ka ng mabuti para makatangap ka ng good karma, at iiwas gumawa ng masama para di makarma. Dapat kusa lang ang pag gawa ng tama, di naghahangag ng kapalit.
Pero naisip ko na good karma ko siguro si Pats. Nung araw kasi na nagka kilala kami, katatapos lang ng outreach ng PBO sa SAI sa Montalban, Rizal. Sya naman kaka birthday lang, at winish nya malamang na makilala ang perfect boyfriend in the world, e taken na so sa akin napunta hahaha :) So ayan, sa moment na yan ako naniwala sa karma - sa panahong nakilala ko Pats, sya ang aking reward :)
Ayan, dahil umay na kayo, move on naman sa isa pang birthday celebrant, si Marseng Joanne! Kung nakikilala nyo pa sya, blogger din sya nung unang panahon haha. E tinamad lang, gaya nating lahat at natigil muna. Kagabi ang kayang celebration :)
Si Marse may good karma na din, ayan o kinikilig kilig at mainit init pa. Mapula ang hasang haha :)
Speaking of mapula ang hasang, may pula ang daster ng aking Lola Ma nung nag celebrate kami ng birthday nya sa Tagaytay last weekend. Galing ng segwey no?! Ganyan dapat! Haha :) So ayun nga, nag punta ang angkan ng mga Salonga bukod si Lea sa Picnic Grove para mag lunch at mag bonding.
Laro laro ang mga apo, na English speaking lahat! Sila pa nag tissue, e ako tong dumugo ang ilong.
Yakapan portion with Tita Tess :)
Sungayan portion ni Papa, Ge and Carla :)
Dami kong tawa sa vandal na to, perfect name sa taong mahilig mag selfie! :)
Ito nga pala ang pinag stay-an namin sa Tagaytay ang Daughters of ST. Dominic. Maniwala kayo at sa hindi, isa syang bahay ng mga madre, ewan ko ba at ito nahanap ng tita ko. Ang strict pa naman ng mga madre, bawal mag ingay, tumakbo, maging bakla. Charot! Ay sorry po sister :)
Di pala ako mahahalatang beki dito kahit sister ang itawag ko sa mga babae :)
Syempre dahil bawal mag ingay, walang TV. Puro pictures lang ni Jesus at malaking mga poon.
Bawal din kumain sa room, sinabi na for God's glory daw - e di syempre susunod ka na lang :)
Moving on, next gala ay sa Sky Ranch para sa family picture na ito.
Nagpakain din ako ng kabayo kahit mas mukha akong busog.
At syempre, inintay mag gabi para sa picture na ito!
At nagsimba kinabukasan para sa family pic ulit..
..at sa solo pic ni Mama Glo :)
At ayan ang aming family trip to Tagaytay! Ang saya saya! :)
Last na - dapat ay start na ako ng work from home sa June 3. Pasado na mga interview, etc etc. E bigla akong nakaramdam ng takot na malamang ay maburyong ako sa bahay. Na araw araw ay doon ako at walang kausap. Sa daldal ko pa naman, mas mahalaga ata sa akin na may kausap kesa may kinakain (napa weeehhhh? ako dito) So pause muna ang work from home.
Litong lito na ako kung ano ba talaga ang gusto ko. Sana mahanap ko na soon. Mahirap nga lang kasi parang di ko pa alam kung ano. Hay. Pero okay lang, magiging okay ang lahat. Kung si cutie baby KB nga na walang teeth nakaka smile ng buong giliw - ako pa kaya? (segwey yan para mashare ko sa inyo ang ka-kyutan nya) :)
